ISO 216

ISO 216 nazioarteko estandar bat da, paperaren neurriak munduan zehar modu bateratuan emateko. Normalizaziorako Nazioarteko Erakundearen (International Organization for Standardization, ISO) arauak paperezko formatuak zehazten ditu, eta gaur egun munduko herrialde askotan erabiltzen da, baina ez guztietan. Esate baterako ez da AEBko eta Kanadako estandar nagusia.

Besteak beste, estandar honek DIN A3 eta DIN A4 paperaren tamaina ezagunak definitzen ditu.

ISO 216 araua DIN 476ren baliokidea da, edo DIN A. A serieko estandarra ere deitua.

Badaude antzekoak diren beste bi estandar: ISO 217 eta ISO 267. Hau da, B eta C serieko estandarrak.

ISO 216, ISO 217 eta ISO 269 paper guztiek (gutun-azal batzuk izan ezik) itxura bereko proportzioa dute, ${\displaystyle {\sqrt {2}}}$: 1ekoa, milimetroetara biribiltzen dena. Proportzio honek ezaugarri bakarra du: erdi zabaleran moztu edo tolestean, erdiek ere itxura proportzio bera dute. ISO paperezko tamaina bakoitza, serie bereko hurrengo tamaina handieneko eremuaren erdia da, eta aurrekoaren bikoitza.